Les Contes

edvardndebess — Tue, 24 Jan 2012 11:39:08 +0000

Hugsi eg um friðsælu, og pláss og tíð til mín sjálvs og mínar tankar, so er Midi-Pyrénées í Suður-Frankaríki tað besta staðið eg havi uppliva.
Bæði í bygdunum, í skógunum og á túrum í fjøllunum tykist sum at alt andar frið og at har er ivaleyst av rúmi til øll , – uttanfyri bygt øki møtir tú sjálvdan nøkrum øðrum menniskja enn tær sjálvum.
Tað bústaðið eg seinastu árini havi havt størst gleði av at vitja og búgva á, er Les Contes, við Fougax et Barrineuf – í Fronsku Pyrineunum. Eitt friðsælt, vakurt og gevandi stað, sum júst hevur fingið nýggjar eigarar, og tískil ikki longur skal brúkast til herberg.Takk Mar og Leny, fyri allar tær fantastisku og gevandi løturnar á Les Contes.

Ravnagjógv í vánaveðri

edvardndebess — Sat, 19 Nov 2011 12:17:56 +0000

Veðrið í Føroyum er ofta til umrøðu millum manna, og oftast er tað ringt veður sum er fremst. Men eg meti, at um fólk fóru undir at leggja merki til veðrið, eisini tá tað er gott, – og leggja sær í geyma hvussu tað verunliga er, so var myndin ein onnur.

Tað er í øllum førum synd at brúka veðrið til at skula bøta fyri generella misnøgd við dagin og lívið sum so . . . ikki at eg skal siga at tað er so !
Undir øllum umstøðum er sokallað vánaveður stuttligt at taka myndir í

Edvard Nyholm Debess

Les Contes

Ravnagjógv í vánaveðri